Zoekresultaten

Resultaat 41 - 60 (van 214)

Filteren

Douwe de Bildt De Jorwerter Dweilstikken

De Jorwerter Dweilstikken befettet in seleksje fan de humoristyske, ûntroerende en soms sterke ferhalen dy’t mei fjoer ferteld wurde — kear op kear — oan de stamtafel fan it kafee yn Jorwert. In earbetoan oan it doarp mei syn kleurrike ynwenners: ambachtslju, boeren, middenstanners, dûmnys en notarissen. Douwe Klaas de Bildt (1952,Boalsert) tekene fan 2007 ôf dy kroechferhalen op ûnder de titel ‘Dweilstikken’ foar de Jorwerter doarpskrante De Hiele Toer. Geert Mak yn syn Nawoord (troch himsels...

Westerlauwers Fries | 4 uur 22 minuten (177 MB) | Audiofrysk, Easterwierrum | 2019

Luisterboek (digitaal)
Ate Grypstra It beest fan de Westereen

Wikipedia: It boek is in thriller, miskien sels wol in horrorboek. It genre wurdt ek beneidrukt troch de sin dy't foaryn it boek stiet: "Troch Steven Kingma, besoarge troch Ate Grypstra". Steven Kingma stiet dêryn foar Stephen King. It ferhaal spilet him ôf yn de jierren tachtich, yn dy tiid ûntdekt in professor in manuskript, dat er graach útjaan wol. Omdat Grypstra keazen hat om it ferhaal him ôf spylje te litten yn it doarpke De Westereen, is it boek ek skreaun yn it Westereendersk. Sitaat:...

Westerlauwers Fries | 5 uur 7 minuten (197 MB) | Audiofrysk, Easterwierrum | 2019

Luisterboek (digitaal)
Charles Dickens David Copperfield

DAVID COPPERFIELD (1850) is mij fan al myn boeken it dierberst, skreau Charles Dickens sels (1812-1870). Dat hat grif te krijen mei syn eigen bernetiid, doe’t er him, krekt as syn haadpersoan David, as lyts jonkje ferret fielde troch de folwoeksenen, dy’t him beskermje moasten, mar dat net dienen. David Copperfield is in typys boek út dy tiid, mei in bûnte samling persoanen. De strange ûngefoelige styfheit Murdstone, mar ek David syn ienfâldige bernefaam Peggotty, dy’t him har hiele libben trou...

Fictie

Westerlauwers Fries | 884 pagina's (ePub2, 1,8 MB) | Elikser, Leeuwarden | 2015

E-book
Klaas Bruinsma Samle Fersen en Oersettings fan Klaas Bruinsma

Samle Fersen en Oersettings fan Klaas Bruinsma is in bondel gedichten en sangen, byinoar garre troch Bruinsma sels. It grutste part fan de gedichten binne gelegenheitsgedichten fan syn eigen hân, benammen gedichten oer tsjerken. Dêrneist binne der bekende en mear ûnbekende gedichten fan oare auteurs, mei oersettings fan Bruinsma yn ferskate talen, en gedichten út oare talen, oerset yn it Frysk. Treflik binne ek de oersettings fan Aldfryske sangen. Klaas Bruinsma is ferneamd om syn oersettings...

Fictie

Westerlauwers Fries | 182 pagina's (ePub3, 0,6 MB) | Elikser, Leeuwarden | 2018

E-book
Sjieuwe Borger Pûlen-yn-de-pot

Sybren joech him oer oan it feest fan it yrrasjonele sûnder ien remming te fielen. Meidwaan ûnderstelde frijwilligens, dêr wie lykwols gjin sprake fan, mar dat joech no neat. Hy gong op yn it momint en liet him meitôgje troch it fjoer fan de ûnberonge groepsdrift. De ober hie besocht harren del te bêdzjen. Doe't Richie in klap fan him krige waarden de soasjeteitsleden sels lilk en soene sy de ober te nei. De praeses fan de Kroechkommisje wie der lokkigernôch foar sprongen. Sybren liet de skurvens...

Fictie

Westerlauwers Fries | 197 pagina's (ePub2, 1 MB) | Elikser Uitgeverij, Leeuwarden | 2018

E-book
Meindert Bylsma Moard yn 'e hite hei

speurdersroman

Stikje by bytsje draait er it nei him ta. Swier giet it, hiel swier. Mar snoer en angel hâlde it. Hoeden dirigearret er de boel nei de ein fan 'e steger en sa nei de wâl. Der komt in stikje fan in sek omheech, in jutesek. Dêr is de heak yn fêst slein. Hy kin de sek fêstpakke. Troch de reidwâl hinne hyst er him heal op 'e wâl. Der sit noch fan alles ûnder. En dan sjocht er ynienen wat it is. Syn hert slacht sawat op 'e rin. Resjersjeurs Liuwe Bekkema en Lukas Roosjen, op it buro 'de Blomkes'...

Fictie

Westerlauwers Fries | 126 pagina's (ePub2, 1,3 MB) | Elikser, Leeuwarden | 2018

E-book
Eize de Boer Monkeys dilemma

It is 1984 en de krisis hat raar wurk makke. Troch de delgong is de 33-jierrige 'Monkey' syn fêste baan kwytrekke. It slagget him wol om wer oan tydlik wurk te kommen. Moai wurk is dat lykwols net en syn takomst bliuwt ûnwis. Mar de wurdearring dy't er kriget, sawol fan syn wurkjouwer as fan syn kollega's, is in moaie opstekker foar him. Gelokkich is der ek altyd wer de foldwaning dy't him der troch skuort. En fan dy aparte humor op it wurk kin er faak yntins meigenietsje. Mar syn aard hat er net...

Fictie

Westerlauwers Fries | 175 pagina's (ePub2, 1,5 MB) | Elikser, Leeuwarden | 2018

E-book
Geert Nauta In soarte fan bûgjen

Nei dy iene dei, doe't Elske my it nijs dien hie, ferskeat it sêfte giel nei blau, in hiel ljocht, sulvereftich blau: winterblau of iisblau - in oar wurd ha'k der net foar. Iispegeltsjedagen wiene it foar ús, it blauwe fan in wintermoarn as de sinne noch even neat te sizzen hat, mar him alwol oankundiget. Elske krige sûnreade wangen en in wat tsjokkere kop. Sa moai hie se net earder west. Ik wie op 'e nij fereale, ik koe my net yntinke dat der ea noch in oare tiid komme soe as ús blauwe perioade....

Fictie

Westerlauwers Fries | 161 pagina's (ePub2, 1,3 MB) | Elikser uitgeverij, Leeuwarden | 2018

E-book
Jan Schokker De humor yn

Achterom sjen is miskien net sa handich. De âlde nekke kin der eins net oer en do sjochst ek saken dysto yn de sydspegels net sjen wolst. Oan de oare kant woe ik graach yn de humor en de humor is bytiden wreed. En ja, wa't yn de humor wurket is bekend mei de selsspot en sa'n relativearjende aap moat ek in sportive kant ha. Yn dit boek sjocht Jan Schokker werom op syn libben, syn wurk en de skriuwerij. Hy docht dat mei in koartswilige ynslach en leit de neidruk op bysûndere ûnderfiningen en aparte...

Fictie

Westerlauwers Fries | 99 pagina's (ePub2, 1,2 MB) | Elikser Uitgeverij, Leeuwarden | 2018

E-book
Marianna van Tuinen Remus Reuzemûs

Remus skept altyd op dat er sa grut en sterk is. Mar de oare mûzen lústerje dêr al net mear nei. Dêrom beslút er op in dei om wat te dwaan dêr't se fêst fan opsjen sille. Hy makket in ljedder en klimt dan yn in hege beam. Mar de ljedder waait fuort en de oare mûzen hawwe him net iens sjoen. Gelokkich sjocht de moanne wol nei Remus. En dy leart him wat dêr't er hiel bliid mei is. Fan dy dei ôf binne de mûzen grutsk op Remus, dy't sels mei de moanne prate kin. Bron: Flaptekst, uitgeversinformatie

Fictie

Westerlauwers Fries | 37 pagina's (ePub3, 18 MB) | Elikser uitgeverij, Ljouwert | 2019

E-book
Meindert Bylsma Moard yn 'e hite hei

speurdersroman

Stikje by bytsje draait er it nei him ta. Swier giet it, hiel swier. Mar snoer en angel hâlde it. Hoeden dirigearret er de boel nei de ein fan 'e steger en sa nei de wâl. Der komt in stikje fan in sek omheech. Dêr is de heak yn fêst slein. Hy kin de sek fêstpakke. Troch de reidwâl hinne hyst er him heal op 'e wâl. Der sit noch fan alles ûnder. En dan sjocht er ynienen wat it is. Syn hert slacht sawat op 'e rin. Resersjeurs Liuwe Bekkema en Lukas Roosjen, op it buro 'de Blomkes' neamd, krije...

Westerlauwers Fries | 3 uur 30 minuten (302 MB) | Audiofrysk, Easterwierrum | 2024

Luisterboek (digitaal)
Lida Dijkstra Sipke's Elfstedentocht

Opa Spitsmuis is vastbesloten de Elfstedentocht te rijden. Na zijn eerste stempel in Sneek wordt het steeds zwaarder. Dan ontdekt hij dat kleine Sipke stiekem in zijn rugzak is meegelift. Zullen opa en Sipke de finish in Leeuwarden halen? Prentenboek met kleurrijke aquarellen en tekst in Fries en Nederlands op rijm. Vanaf ca. 4 jaar.

Fictie

Nederlands | Westerlauwers Fries | 28 pagina's | published by Rubinstein Publishing, Amsterdam | 2018

Gedrukt boek
Pégasus

blomlêzing út 'e Grykse poëzij

Pégasus is it mytologyske, wjokte hynder fan de Muzen. Dêr't syn hoeven de berch Helikon rekken, ûntstie de welle Hippokrènè. Wa't dêrút drinkt, krijt ynspiraasje om te dichtsjen en te sjongen. De blomlêzing befettet gedichten fan Grykse skriuwers út in tiidrek fan 27 iuwen. Dat begint mei in koart fragmint fan Homerus út 750 foar Kr. En beslút mei in moderne dichter út 1950. Yn it fragmint fan Homerus ferliket de dichter blêden mei minsken: se groeie, bloeie en fertoarkje: de gong fan...

Fictie

Westerlauwers Fries | 456 pagina's (ePub3, 7,1 MB) | Elikser, Leeuwarden | 2017

E-book
Akky van der Veer De reuzen wurde wekker

in oare skiednis fan de ierde en de minske

Yn dit boek besiket Akky van der Veer (1943) al ûndersykjende- en skriuwendewei antwurd te finen op algemien minsklike fragen lykas: Wêrta binne wy op Ierde? Wêrom is der safolle gaos en lijen yn dizze wrâld? Wat kinne wy der meielkoar ta bydrage om de needsaaklike balâns tusken ljocht en tsjuster, tusken goed en kwea, werom te krijen? Net troch de kop yn it sân te stekken, is har stelling. Mar troch moedich te wêzen en de fiergeande manipulaasjes fan de PTB (Powers That Be), dêr't wy yn...

Non-fictie

Westerlauwers Fries | 218 pagina's (ePub2, 2,9 MB) | Elikser, Leeuwarden | 2017

E-book
Jurjen van der Meer Sin oan

De fersen fan Jurjen van der Meer wurde al tsientallen jierren brûkt yn de heechste groepen fan it basisûnderwiis en foar de foardrachtskriich FeRstival op middelbere skoallen. Yn dit boek bondelet er syn moaiste wurk fan de lêste tiid. De bondel befettet in tal 'Pas op...'-gedichten, mei yllustraasjes fan Maaike van den Akker, in searje 'Op in ...'gedichten, mei yllustraasjes fan Lip Ferwerda en in tritichtal frije fersen. Jurjen hat in oansprekkende, tagonklike styl. It binne fersen mei in knypeach....

Fictie

Westerlauwers Fries | 215 pagina's (ePub3, 11 MB) | Elikser, Leeuwarden | 2017

E-book
Tineke Steenmeijer-Wielenga | Geart van der Meer Obe Postma

in libben dat bloeide nei syn aard

In libben dat bloeide nei syn aard is in twillingboek oer it libben en wurk fan de bekende Fryske dichter en wittenskipsman Obe Postma (1868-1963). It earste diel, 'Al wat ik skriuw, dat is wier bard' is skreaun troch Tineke Steenmeijer-Wielenga en behannelet Postma syn libben, syn komôf en famylje. Brieven en argyfstikken binne hjir wichtige boarnen foar in protte nijsgjirrige feiten oer Postma en syn warberens op it gebiet fan poëzij en wittenskip. It diel 'Fier haw ik myn dreamen weide / En...

Non-fictie

Westerlauwers Fries | 428 pagina's (ePub3, 8,2 MB) | Elikser, Leeuwarden | 2017

E-book
Hilda Talsma Slangen ûnder it bêd

Marte en Rienk geane mei de klasse nei Amsterdam. As Marte op in jûn by in knappe jonge út har jeugdherberch sitten giet ynstee fan by har freonen, hat er gjin goede bedoelings mei har. De jonge en syn maat nimme Marte mei, mar litte har efter as se neat mei har wurde kinne. Rienk fljocht him út 'e naad om har werom te finen en sa komme se yn 'e kunde mei Justine en har soannen. Yn in foto-album by Justine thús sjocht Rienk ta syn fernuvering in foto fan in echt Piipster skûtsje. Dat liedt ta...

Fictie

Westerlauwers Fries | 181 pagina's (ePub2, 1,3 MB) | Elikser, Leeuwarden | 2017

E-book
Hilda Talsma Wyn fan de winners

Wyn fan de winners is it tredde en lêste diel fan de Wyntrilogy. De famylje Kamstra sil besykje om wer yn 'e grutte A-klasse te kommen, mar Ate hat der klauwen oan om alles yn goede banen te lieden. Johanna hat oare prioriteiten no't se mem is, en mei de Onnie's yn it fermidden witte je noait hoe't de wyn waait. De leafde tusken Roos en Joost wurdt swier op 'e proef steld en de nije bemanningsleden út Frisum soargje foar de nedige konsternaasje. It wurdt wer in wike fol ferrassingen. Mei Wyn fan...

Fictie

Westerlauwers Fries | 224 pagina's (ePub2, 1,1 MB) | Elikser, Leeuwarden | 2017

E-book
Antoine de Saint-Exupéry Nachtflecht

'Alles wat Saint-Exupéry fertelt docht er mei kennis fan saken. Dat er persoanlik hieltyd mar weroan yn nuodlike situaasjes in oplossing sykje moat, jout syn boek in autentike en ûnneifolgbere bekoaring. Dit ferhaal bewûnderje ik om syn literêre wearde en om't it in weardefol dokumint is. Dy beide kwaliteiten dy't op sa'n ûnferwachte wize gearfoege binne, jouwe oan Nachtflecht syn bûtengewoane betsjutting.' André Gide Vol de nuit is de ferneamdste roman fan De St. Exupéry en waard yn 1941...

Fictie

Westerlauwers Fries | 130 pagina's (ePub2, 0,6 MB) | Elikser, Leeuwarden | 2017

E-book
Waatze Gribberts brulloft

Waatze Gribberts Brulloft is in rûch ferhaal oer simpele harry's. Se sûpe, se frette en se tjirgje har en dochs bedoele se it net ferkeard. Bejubele yn 'e 18e iuw, ôfkreake yn 'e 19e iuw. Wat fine jo derfan, yn 'e 21e iuw? It Libben fan Aagtje IJsbrants is in humoristysk ferhaal oer pratende pronkjende froulju. It lit sjen hoe't Aagtje harsels foar de gek hâldt en jout in prachtich byld fan it libben op it plattelân foar de yndustriële revolúsje. Bron: Flaptekst, uitgeversinformatie

Non-fictie

Westerlauwers Fries | 162 pagina's (ePub2, 0,8 MB) | Elikser, Leeuwarden | 2017

E-book